Diahuebs den careda di 2 or marduga patruya di San Nicolas atento a mira un hyundai getz cu dos homber aden y tabatin e sospechoso Jones y otro conoci pa husticia. Manera cu nan a mira Polis nan a core cayanan di San Nicolas basta duro y aki polis a bay nan tras y e auto a ranca un palo di luz na Weg Rooi Hungo y nan a core drenta un caya y drenta mondi sconde pa Polis. Un di e sospechosonan den e auto cu ta Jones ta e sospechoso cu den fin di siman a bati un señora cu arma di candela altura di Spring Field. Debi cu mondi ta scur y e sospechoso ta arma Polis no a confia di drenta mondi pa proteccion di nan mas. Maske Polisnan kier combati criminalidad pero tin aspectonan tin tene cuenta pa loke ta nan propio seguridad y a djis rondona e mondi wak si e sospechosonan por a sali pero no tabata e caso. Na unda cu e auto a kibra e palo di luz a notifica Elmar tambe di e caso aki.