Sonrisa cu rifa di auto

Sonrisa ta un asosiacion cu tin 26 aña ta trahanda na bienestar di nos personanan cu un limitacion mental den nos comunidad.
Nan vision ta pa tur persona cu un limitacion mental por integra den nos comunidad cu mesun oportunidad y derechonan manera tur otro ciudadanonan di Aruba.
P’esey Sonrisa ta enfoca su mes ariba nan: Bida Social, Educacion, Trabao, Informacion, Servicionan y Vivienda.
Pa por ehucuta tur e diferente progama y proyectonan mester di fondo.
Actualmente tin un rifa di auto pa recauda fondo pa nan begroting di 2017.
Pa e motibo aki ta kier pidi cooperacion pa cumpra 1 of mas buki of bende algun buki pa e instancia.
E rifa lo hunga dia 3 december 2016 riba e dia internacional di personanan cu un limitacion.
Un buki di 20 ticket ta costa afls. 100,00.
Awe boso por haci un diferencia grandi den bida di personanan cu un limitacion mental.
Hunto nos por cumpli hopi pa asina nan por haya nan debido luga den nos comunidad.
Pa mas informacion por yama nos na 5836297 of manda un e-mail na [email protected]
Den nomber di tur persona cu un limitacion mental y nan famia, kier gradici boso di antemano pa cualkier yudansa y ta desea boso un bon siman yen di prosperidad.

Comments

comments