CAPE CAñAVERAL, Fla (Merca) – E sonda polar Parker awo tin dos registro: e yegada mas cerca di solo pa un nave espacial y e obheto mas lihe traha pa un ser humano relaciona cu solo. Desde su lansamento dia 12 di augustus for di e Kennedy Space Center na Florida, e sonda a pasa Venuz y ta yegando cerca di solo.
En total, e nave lo biaha cerca 90 miyon miya, pasando den e orbita di Mercurio y den e 3.83 miyon miya di e atmosfera di solo, cu ta calcula lo ta na 2024. Pa 1:04 di dialuna, e nave a pasa e record actual di 26.55 miyon miya desde di e superficie di Solo, segun calculonan haci pa e ekipo di Parker Solar Probe. El a kibra e record estableci pa e nave Aleman- Mericano Helios 2 na april 1976.
“Tabata apenas 78 dia pasa cu e Parker Solar Probe a wordo lansa y awo nos ta acercando mas na nos strea cu cualkier otro nave espacial den historia”, e gerente di proyecto Andy Driesman, di e Laboratorio di Fisica Aplica John Hopkins na Laurel, Md. Den un comunicado di prensa. “Ta un momento di orguyo pa e ekipo, aunke nos ta sigui gefocus den nos prome encuentro solar, cu ta cuminsa dia 31 di october.
Pa 10:54 pm (ET) e nave a kibra e record tambe di velocidad estableci pa Helios 2, superando 153,454 miya pa hora. “Parker Solar Probe lo kibra su mesun record na mas di un ocasion, logrando un velocidad maximo di mas o menos 430 mil miya pa hora na 2024”, Sarah Frazier di NASA a bisa den un publicacion di e blog. E velocidad di zonido ta di 761.2 mph. E ekipo ta midi periodicamente e velocidad y posicion precieso di e nave uzando e Red di Espacio Profundo di NASA of DSN. E ta manda un señal pa e nave espacial, cu despues ta retransmiti e DSN, cual ta permiti e ekipo determina e velocidad y posicion di e nave espacial den funcion di tempo y e caracteristicanan di e señal.
E probe lo cumisna su prome encuentro cu solo diaranson, cu lo termina na e punto mas cercano di solo, rond di 10:28 EST dialuna. NASA a bisa cu e nave espacial lo duna e prome observacionnan di cerca di solo ora cu e haya temperaturanan halto di 2500 grado Fahrenheit y un radiacion brutal. E instrumentonan di e sonda solar lo detecta y midi e movimento di e electron, proton y ions cu ta forma e corona y bientonan solar genera eynan.
“E observacionnan di Parker Solar Probe lo yuda nos na responde preguntanan manera : Pakico e corona ta algun miyon grado mas cayente cu e solo”?, Eric Christian, un cientifico espacial di e Centro di Vuelo Espacial Goddard di NASA, a bisa UPI luna pasa prome cu e lansamento di e probe. “Otro pregunta cu nos ta spera di wordo respondi ta: “pakico biento solar ta acelerando na velocidadnan hopi halto e corona? Algun particulanan solar di energia halto ta na un velocidad casi mita di e velocidad di lus y nos no sa e motibo.