Despues cu e minister nobo di medio ambiente a dicidi di tuma pasonan pa busca solucion pa e dump, cu ta un molester pa hopi aña pa Aruba y specialmente e bario di Simeon Antonio, Sra. Marjorie Vermeer di e bario ta splica.
Pa loke e barrio a sufri tur e temponan aki y cu nan a tende cu e gobierno nobo lo bin pa e departamentonan pa nan traha hunto, specialmente Sr. Marlon Croes, di DOW. Aruba a conoce hopi progreso, pero ta tempo pa traha ariba e parti di salud di nos hendenan. Pa cuanto aña caba, cuanto hende no ta sufri di astma. E departamento ta trahando hunto, y tin un commission cu ta investiga esaki. Tin mas departamento cu ta trahando hunto. Ta haci algo mas lihe pa e turista cu pa e local. Claro, segun Sra. Vermeer, un turista no ta bin biba na Simeon Antonio y tampoco nan no ta traha un hotel eynan.
Loke si a hala atencion di Sra. Vermeer, ta cu no ta wak niun expert di medio ambiente den e comision. Pero ta content cu leynan ta wordo cambia, aunke ta un preocupacion pa esaki. Si tin hopi desaroyonan cu ya caba tin cierto sushinan cu ta wordo procesa debidamente. Esey ta nr. 1. E turistanan ta puntra con nos localnan ta deshaci di e desperdicio. Ki garantia tin pa nos Aruba? Pa nos por biba di dje, aki para di aña, segun Sra. Vermeer. Si e lo kier un reunion cu e minister encarga cu dump, Sr. Otmar Oduber, pa e minister skucha nan preocupacionnan tambe.
Sra. Marjorie Vermeer pa nan mes nan kier ta hinca den e proyecto aki mirando cu nan ta esunnan cu mas a sufri pa hopi aña cu e dump aki ta keda cende candela. E habitatnenan di Simeon Antonio ta pensa kico por haci pa tur por traha hunto, nan lo no kier pa e trahadonan di Serlimar perde nan trabao si dump cera. Nos beachnan ta birando sushi. Aruba tin leynan, pero tur dia esakinan ta wordo laga un banda. Loke e habitantenan kier ta pa tur traha hunto. Si gobierno tin un solucion, nan mester haci’e. E barrio ta uno uni, ta tene man di otro. Tur kier yega na un solucion faborabel pa tur partido envolvi. E aña aki cu ta bin, Sra. Vermeer ta haci un suplica na gobierno, departamentonan, pa please, yuda nan.