CIENCIA
MOSCU,, Rusia – Un fenomeno realmente straño tin habitantenan di dos distrito municipa na Rusia intriga: Solo a “paga”pa casi 3 hora den pleno merdia sin cu te cu awo tin un splicacion cientifico oficial di e motibonan pa cual esaki a sosode.
Personanan cu tabata por a biba e momento aki, como tambe medionan local manera The Siberian Times a captura impresionante imagennan unda cu por observa e ausencia di solo den e luganan aki.
E fenomeno inusual a tuma luga dia 20 di juli ultimo entre 11 or di mainta y 2 or di atardi. Riba potretnan por observa con e dia a haya un tono cora y den otro luganan e dia a bira totalmente scur.
Habitantenan no tabata por a kere loke nan wowonan tabata wak, hopi a cuminsa specula cu tabata trata di forsanan sobrenatural, diablo, UFO of algun meteorito.
Di otro banda, algun specialista ta kere cu e fenomeno probablemente lo a tuma luga door di efectonan di e candelanan forestal cu ta asotando e region.