Diadomingo awor pa 8or di anochi den CDGPT lo tin un grandioso partido di futbol Division Honor. Caravel cu a sali brabo y ta empata cu Nacional pa despues perde un wega preta cu Dakota, lo enfrenta ekipo Tricolor RCA “Big Wheel Lottery powered by Powerade”. RCA na otro banda ta logra solamente 3 punto den dos encuentro y ainda ta “moldeando” su ekipo cu mester retene e titulo Campeonil. Caravel e aña aki ta lidera pa e conocido DT Johnny Douglas y cu hopi hungador di taya lo bin por la gomma. Bestuur di RCA ta invita e fanaticada completo pa yega stadion y apoya nos ekipo cu lo sali todo por todo pa piki 3 punto importante. Tambe Bestuur ta extende un invitacion na e fanaticada pa bin apoya Dames RCA “Neutrogena” diasabra atardi 6:30 den CDFF na Noord den nan segundo clash di campeonato e biaha aki contra Santa Fe. (potretnan Futbol Aruba)