AZV a tuma nota di e caso di sr. Koolman unda cu tin cu bisa cu como AZV ta lamenta cu e tipo di casonan aki ta sosode. Segun Solange Tchong, vocero di AZV, ta hustamente e situacionnan unda cu AZV a purba di alerta publico pa corda cu e AZV ta valido na Aruba. Es mas, esaki ta algo cu ta skirbi riba e carchi di AZV. Banda di esey, ta hopi cla kico ta e procesonan ora cu ta bay den exterior.
Es decir cu un specialista tin cu haci un peticion den nomber di e pashent y AZV tin cu duna un aprobacion adelanta. Loke ta lamentabel y na mes momento sorpresivo pa AZV, ta e comentario di e famia cu AZV lo no ta yuda of no kier a yuda.
Tchong a splica cu hustamente den caso di e pashent aki, AZV a haci tur loke nan ta pensa cu como AZV tabata corecto.
Pa duna un ehempel aña pasa a drenta un peticion pa su persona bay den exterior y AZV a duna aprobacion, unda cu e pashent aki a bay Hulanda. Despues cu el a haya un evaluacion di specialistanan na Aruba, unda cu ciertonan a wordo duna caba, unda eigenlijk ya caba a splica e malesa, a splica tambe kico ta kere cu lo ta e pronostico di e malesa y banda di esey toch AZV a tuma e decision e tempo ey, cual tabata aña pasa den luna di October, pa a laga e pashent aki bay acompaña di un persona medico, pa asina e por a yega Hulanda y haya eynan un evaluacion. Na Hulanda a drenta eigenlijk e mesun informacion cu ya caba specialistanan di Aruba a duna, cual tabata un noticia hopi fastioso. Un noticia cu pa cada un di nos ora cu ta ser humano, e ta dificil pa acepta ora bisa cu bo tin un malesa cu ta incurabel y cu no tin mucho mas pa haci.
Loke a pasa ta cu pa AZV no por compronde pakico ta bay bisa e ora cu AZV no kier a yuda, pasobra den bista di AZV ta kere cu a haci tur loke tabata posibel. E pashent en cuestion e tempo ey a biaha cu un acompañante medico, tabata hustamente pa tin e siguransa cu e ta haya un bon guia durante di e vuelo y cu si tin cualkier calamidad, e por wordo yuda.
Di parti di Azv por bisa e conseho cu e sr. Koolman a haya na Hulanda a bise pa e tene cuenta ora di biaha.
Ta menciona cu despues di a haya e evaluacion na Hulanda, el a wordo conseha tambe pa purba di tene bon cuenta cu e problema di ora di biaha cu por haya cierto complicacion. Como AZV ta bisa cu ta lamenta cu esaki ta sosode. Ta na mes momento tambe un alerta pa cada un di nos den comunidad na Aruba, pa tene cuenta cu ora ta haya cierto noticia of informacion di nos dokternan, sigur di un banda e ta bon pa busca mas informacion, pero di un otro banda e ta hopi importante pa informa bo mes bon kico ta e riesgonan cu bo ta bay tuma. Den e caso aki AZV ta opina cu e tabata eigenlijk un decision cu e persona a tuma riba su mes, pero coriendo tur e riesgonan cu lamentablemente a resulta tambe manera cu a pensa cu lo por sosode, segun Solange Tchong.