AZV a wordo poni na altura cu sr. Koolman a bay biaha riba su mes pa Colombia door di e famianan, segun Solange Tchong, vocero di e instancia. Tambe a informa AZV ora cu a ripara cu e situacion ta empeorando y atrobe e fastioso ta cu esaki ta hustamente casonan cu AZV kier evita. E ley di AZV ta hopi cla den esaki. E ta bisa cu ora kier haya cuido medico den exterior, e tin mester un aprobacion adelanta di AZV. Banda di esey, semper dentro di e evaluacion aki, pasobra AZV tin un comision independiente cu ta traha pa duna conseho riba e peticionnan cu ta wordo haci, pa asina cu tambe ta bay wak kico tur por spera na momento cu bay saca un pashent den exterior. E dokternan na AZV of e dokternan cu ta traha pa AZV tambe ta bay evalua kico tur por spera.
Tambe Tchong a splica cu e clinica cu nan a biaha cun’e, ta un clinica di e propio escogencia di e pashent, pasobra e no ta un clinica cu AZV conoce. AZV no tin contracto cu e clinica aki, nan no ta traha cun’e. E clinicanan cu nan ta traha cun’e, nan tin informacion den nan foyeto, riba nan website y clientenan cu kier yama pa haya sa cu cua clinica cu AZV ta traha tanto na Colombia, Corsou of Hulanda, tin e informacionnan aki disponibel pa e pashentnan. Atrobe ta un caso hopi lamentabel. E ta hustamente e caso cual tur e añanan aki, desde inicio di AZV desde 2001, semper a alerta e pashentnan over di esaki, cu tene cuenta. Berdad tin ora como hende, kier bay busca mas leu mas informacion, pero den e caso aki AZV ta kere cu el a actua debidamente, pasobra ya caba tabata tin loke ta bisa un diagnostico, of un informacion riba kico e persona tin y banda di esey esaki a wordo confirma na AZV na momento cu a manda e pashent Hulanda pa asina toch tin un loke den bista di AZV un segundo opinion y un confirmacion cu tur loke a wordo haci na Aruba cu tur loke a wordo haci pa e pashent, a wordo haci.