AZV ta keda cu e mesun recomendacion di semper. Si bo tin pensa di pasa bo dianan di pasco of fin di aña den exterior, corda cumpra un seguro di biahe. Awendia segun Solange Tchong, vocero di AZV, seguronan di biahe a bira mas y mas accesibel. Companianan ta bendendiendo nan caba for di un suma di mas of menos 10 florin pa dia y tin di nan tambe pa nan clientenan fiho, nan ta bende e doorlopende reisverzekering.. Tambe bo tin seguronan cu pa un periodo mas cortico cu bo por cumpr’e, no solamente los, bo no mester ta specificamente un cliente di e compania di seguro, pero bo por yega cerca nan y cumpr’e los. Esaki ta algo cu AZV ta keda pone enfasis riba dje. Hopi importante pa corta bo zorgpas di AZV, ta solamente valido na Aruba y e ta rekeri dibo cu si bo ta bay biaha pa vakantie, bo no por haci uzo di dje.
Ta bon pa biaha responsablemente y un biaha mas, AZV ta kere cu como instancia, no por ripiti suficiente cu e ta keda un hecho cu igual bo ta prepara pa bay biaha, igual cu bo a drecha maleta, igual di importante ta pa bo acudi na un compania di seguro y cumpra bo seguro di biahe.
Tin cu agrega cu AZV ta na altura cu tin varios compania di seguro cu ta ofrece e seguro di biahe aki, no solamente via nan oficinanan, cu si como cliente bo kier acudi personalmente na nan oficina, pero hopi di nan ta ofreciendo esaki online tambe. Tin e posibilidad cu hasta si bo ta sinta awor aki na aeropuerto cla pa sali, wardando avion y bo no a cumpra bo seguro di biahe, haci esaki toch. Tin hasta e opcion cu bo por bay online y bo por regla esaki via un transfer di banco, of via bo credit card, etc. Tchong ta reitera cu seguro di biahe ta algo importante y bo mester di dje na momento cu bo ta bay afo, vooral den e dianan dushi di pasco, di vakantie, percura e ora ey pa bo cumpra bo seguro di biahe, asina ey bo tin un cobertura medico via e seguro di biahe.
Ta skirbi riba zorgpas di AZV cu su valides ta pa Aruba solamente. Tene bon cuenta cu esaki, segun Tchong. Ta keda liber pa e persona cua seguro e ta tuma. Loke si ta conseha ta cu Aruba tin hopi posibilidad awendia pa busca un seguro. Tin hopi compania di seguro cu ta ofreciendo e seguro di biahe. AZV ta na altura di esaki. AZV mes tambe varios biaha bay riba e diferente website di e companianan aki. Tambe a mira e opcionnan cu nan tin y pesey mes ta bisa cu tin opcionnan y bo mes por busca esaki. Nan ta varia un poco. Tin ora den e pakete cu ta wordo ofreci. Tin cu corda si cu no ta solamente e parti di e seguro di biahe, sino e ta tambe cubri por ehempel otro casonan. Tin hopi mas cos cu un seguro di biahe y accidente ta cubri y esaki atrobe, manera a wordo splica, tin e opcionnan cerca diferente compania di seguro. Cada persona cu ta bay biaha mes, por informa su mes. AZV ta bisa si, por cuminsa na informa cerca e compania di seguro cu abo tin custumber cun’e, pero un biaha mas, opcionnan tey y ta kere ta bon pa cumpra un seguro di biahe y accidente pa asina tin e parti di cobertura medico den exterior cubri. Pasobra AZV ta valido na Aruba so.