Casonan den 2017 cu a hala hopi atencion, con esaki a bay pa AZV Solange Tchong, vocero di AZV kende ta amplia ariba esaki.
Tabata tin casonan excepcional cu a bin dilanti den prensa, entre nan Baby Lunah ta un caso. Sin lubida, AZV a habri 2017 cu e caso di Sra. de la Oz, cu a bin dilanti den prensa su mes pa trece e situacion dilanti. Y banda di esey, tabata tin 2, 3 otro caso cu tambe a sali, unda cu AZV a haya cu continuamente nan responsabilidad pa splica kico AZV ta, kico su rol ta, y con por anda cu e rol di AZV.
Ta hopi cla cu mester a splica cu tin decisionnan cu famia di e asegurado no ta di acuerdo cun’e. Pero AZV tin e deber pa ehecuta e ley. Y caminda ley ta bisa p.e. cu ta maximo 1 sesion pa siman di fisioterapia e asegurado por haya durante full un aña. Ta papia specificamente di Revalidacion, si e ley ta bisa cu ta 1 pa siman of tanto sesion pa siman, esey ta loke AZV por duna. Pasobra cu esey ta e parti cu AZV tin como tarea, di ehecuta e ley.
Mas cu claro esaki a trece hopi discusion den prensa, den comunidad di Aruba, pero e ta duna tambe na mes momento un oportunidad. Cu esaki nan kiermen, cu tur otro partido den mundo medico y tur otro dunadonan di cuido, por evalua, si loke tin awo ta en berdad esey ta loke nos kier of lo mester di adaptacion den futuro. Pero mas importante tabata, pa AZV informa e aseguradonan y e comunidad di Aruba, pa nan compronde pakico den e casonan aki, cierto decisionnan, no por yega y duna asina no mas, tur cos cu wordo pidi.
Bisando esey, segun Sra. Tchong, tabata tin tambe un colaboracion cu e plataforma Promocion di Salud, cu ta consisti di AZV, Imsan, Ibisa, SVB, Departamento di Salud. Y hunto cu esakinan, Plataforma Promocion di Salud a bay afo y a duna hopi enfasis den 2017, na topico importante di salud mental. Y e salud mental aki, nan a uza como topico y hunto a organisa un simposio gratis pa publico, pa comunidad dia 10 di October 2017, unda cu tur hende por a presencia e simposio aki. Por cierto dia 10 di October 2017 tabata Dia Internacional di Salud Mental, segun Sra. Solange Tchong, vocero di AZV.