Tin hopi cos cu ta wordo bisa den medio social cu minister di husticia lo ta laga presonan sali for di prison pa cual den 8 aña esaki a bin ta hasi masha tempo. Minister di Husticia Sr. mr. Arthur Dowers ta amplia.
E ta e obligacion di e minister di Husticia pa firma pa un hende cu sali for di prizon, na momento cu e recobra su libertad. Tin tres manera pa bo sali for di prizon. Un persona no ta drenta den prizon asina no mas. Solamente como bishita, of si bo ta traha eyden.
Minister di Husticia no por saca niun hende asina mas for di prizon. Ta ora cu bo caba di sinta bo castigo, e ora bo ta sali.
Ley ta stipula cu bo por haya VI (reduccion) ora cu bo a sinta ⅔ di bo castigo. Na Aruba, a bin cu e condicion cu e preso mester comporta su mes bon. E ora minister di Husticia por tuma conseho y ta laga e preso bay. Un di tres posibilidad, ta si prizon ta yen. Anto e ora ta core risico, cu si pasa algo y si prizon ta yen, y ta tene un hende mucho largo den cel di polis, e por bay hues y hues por dicidi di lag’e bay, sin cu e preso caba di sinta su castigo.
Ministerio di Husticia, ta scoge den su mayoria, si e a comete un acto chikito, no necesariamente ta cer’e. Pero si a comete un delito cu tin impacto grandi ariba propiedad of fisico ariba hende, ta tuma decision di cer’e den prizon. Pero si un hende a sinta ⅓ parti caba di su castigo, por lag’e bay. Esey ta haci’e mas tanto cu hendenan di afo. E hendenan aki ta wordo expulsa pa bida largo. Esunnan cu wordo expulsa, ta esunnan mas cerca di caba di sinta nan castigo. Esey ta algo cu ta pasa cada pasa tanto tempo. Ultimo a laga hendenan local tambe bay cas. Pasobra cu e prizon ta yen y ora di pasa ariba e lista, y no ta minister ta yama bisa pa manda “tal hende” cas. Absolutamente cu no, tin un lista cu ta wordo evalua. E lista ta existi basa ariba cuanto tempo cu bo ta den prizon. E persona ta wordo manda cas, pero bou cierto condicionnan. E preso ta sali, pero e mester comporta su mes. Segun e minister, ta partido MEP a haya mayoria voto di e prizoneronan eleccion pasa.
E meta di un Minister di Husticia mester ta pa tene su pais safe. Pero mester mantene e leynan tambe. Niun hende por dicidi ariba nan mes, kico nan por haci. Loke nan haci ta solamente basa ariba loke ta para den ley. E minister ta haya cu e mester a bin dilanti y refuta tur e informacionnan erroneo cu ta circulando ariba rednan social. Asina minister di Husticia, Sr. mr. Arthur Dowers a bisa.