Campeonato HEINEKEN di Aruba Softball Bond dedica na dos baluarte Chin Thiel ( q.e.p.d) y e trabuco Wilbert “Wiwi” Maduro a yega su final momento cu Royal Power Tat Fat Home Depot a “sweep” Balashi Premuim den e best out of 5. Den e di tres wega Royal Power a derota Balashi Premuim 11-0. Royal Power a bati como equipo 17-9 pa un averahe di 529. Balashi Premuim a bati como equipo 13-2 pa un averahe di 154. Jomark Flanegin no riba su mihor anochi riba monticulo lansando 32 bola, 33 strike pa un total di 65 lansamento regalando 4 base por bola y ta propina 4 strike outs ta seya e victoria riba su nomber blankeando Balashi Premuim 11-0.
Jorge Santana Cortina ta bay cas cu e derota lansando 80 lansamento di cual 36 ta bola y 44 strike permitiendo 10 careda limpi regalando 4 base por bola. Mihor bateadornan pa Royal Power a resulta Gregory “Pilin” Krosendijk 2-1 cu 2 careda anota y 2 rbi, Giandrick Lacle di 3-2 cu 1 rbi y 2 careda anota, Kelvin Silvania, Guyon Cannister y Aigil Brete tur a bay di 1-1. Jomark Flanegin aportando na su propio causa ta dispara un cayonaso di homerun den deep centerleft riba e muraya di Dragon Hitters mas di 300 pia impuhando 4 careda y ta anota dos pa asina garantisa e victoria. Pa Balashi Premuim a conecta e unico dos hitnan pa nan equipo Sando Geerman di 1-1 y Josmar Thiel di 2-1. Mesora Aruba Softball Bond a bay over na entrega premionan tanto individual como premio di equipo. Jomark Flanegin ta ricibi e premio di MVP, Riba e premionan individual ASB lo amplia den un proximo relato.
Pabien Royal Power cu boso titulo di Campeon y Pabien Balashi Premuim cu boso titulo di sub campeon. Den 2019 canpeonato ta mustra di ta bay ta interesante enbista cu bastante “shifts” di hungadornan di un equipo pa otro y un equipo extra esta Celebrities cu a subi pa AA. Aruba Softball Bond ta gradisi cuerpo di umpires and scorers, doñonan di tereno, subsidie commissie , atletanan, fanaticada , HEINEKEN y miembronan di prensa deportivo y tur cu di un of otro manera a aporta pa Aruba Softball Bond por tabata tin campeonato 2018 den diferente categoria Femenino AA, Masculino A-Klas y Masculino AA hopi exitoso.