MADRID, Spaña – E socialistanan Spaño a dicidi diadomingo facilita otro siman e investidura di e conservador Mariano Rajoy ocmo presidente di e Gobierno, despues di dies luna di paralisis politico.
Den un reunion den e sede nacional na Madrid, e comite federal di PSOE a respalta cu 139 si contra 96 no, e opcion di abstene den e proximo votacion di investidura, cu loke ta evita e perspectiva di eleccionnan nobo na December, cu lo ta e di tres den un solo aña.
Danki na esey, Rajoy, na poder desde December 2011, por wordo investi na final di otro siman, oranan prome cu e plaso legal expira, dia 31 di October, mas leu di cual lo tin cu debolbe e camaranan.
Ta vislumbra asina fin di mas di 300 dia di blokeo politico, caminda cu Partido Popular (PP) di Rajoy, vencedor sin mayoria absoluto den e dos ultimo eleccionnan general, tabata incapas di acumula apoyo suficiente pa forma un ehecutivo nobo y move cu normalidad e legislatura nobo.
E socialistanan ta acudi na e conclave dividi entre e partidarionan di resigna na oposicion y e defensornan na ultransa di e no na Rajoy, “huerfanonan” despues cu su lider, Pedro Sanchez haya su mes obliga na demiti como secretario general tres siman pasa.
Pero di e dos resolucionnan rival presenta, a prefera cu e propugna cu “e ripiticion di e eleccionnan ta perhudicial pa e interes di Spaña” y por tin “efectonan hopi negativo pa e Partido Socialista”, cu a cosecha e pio resultadonan di su historia den e eleccionnan general di December y Juni.
Cu 85 di e 350 voto di camara baja (dilanti e 137 di PP), e resolucion vencedor yama na eherce “e liderasgo di e oposicion Parlamentario”, di parti di un partido cu ta cu tin miedo di mira su mes hala un banda pa su gran rival di links, Podemos.
Den e ultimo dianan, e comision gestor cu ta dirigi di forma interino e partido desde e dimision di Sanchez, dia 1 di October, tabata preparando tereno cu e argumento cu “abstene no ta apoya”, manera su presidente Javier Fernandez a bisa.
Fuente: RCN Noticias