Sociaal Crisisplan a duna informacion na mayornan durante Skoa Expo 2020

Sharissa Tromp di Sociaal CrisisPlan tambe tabata presente na SKOA Expo 2020 den Renaissance Convention Center diasabra ultimo, y Sra Tromp a menciona cu Sociaal Crisisplan ta trahando den cuatro sector y un di nan ta e sector di enseñansa. Mirando cu nos ta traha di cerca cu e sector di enseñansa a pensa cu ta importante pa ta presente na e Expo hunto cu nos partner cu Fundacion pa nos Muchanan pa asina duna e famianan tur informacion di e proyecto y servicio cu nos brinda.

Ora un baby nace e famia ta e fundeshi di mas importante eynan ta na unda ta siña tur cos e norma, balornan, y nos como profesional ta un guia extra pero e prome responsabilidad ta e mayor pa cria nan yiunan.

Sharissa Tromp ta haya cu mas di e exponan aki ta duna oportunidad pa nos por haya informacion di servicionan cu ta wordo duna di departamentonan y organisacion y esaki ta importante ora bo haya bo mes den un problema y cu bo mester di ayudo un persona sa unda pa bay. Sociaal Crisisplan e aña aki ta bay cuminsa cu mas di su campañanan y un campaña nacional cu lo bay cuminsa ta e parti di enfoca riba norma y balornan pero specialmente den e temporada di Carnaval.

Comments

comments