Durante vakantie di Oktober Soccer Institute Aruba a organisa un voetbalkamp bou di guia di Victor Donata y cu apoyo profesional di trainernan local y internacional, entre otro di Robin Nelisse, ex-hungado di Feyenoord.
Na e kamp 72 futbolista hoben, entre otro varios mucha muher tambe, a ricibi un training intensive durante dos dia riba e veld di stadion Frans Figaroa. Durante e trainingnan a siña mehora tecnica y haya mas inzicht riba tactica. SIA tin como meta pa mehora tecnica di futbol na Aruba serca hoben, y cu ayudo di diferente sponsor a logra organisa e kamp. Sin e aporte di sponsors manera Aruba Marriott Resort, Juanchi’s Burger, Shoco Snack, De Palm Island y doc Opleidingen nos no lo por a logra organisa e tipo di kamp aki, y mucho menos pa un prijs asina abou cu ta haci’e accesibel pa tur mucha.
SIA ta haya hopi importante pa por duna algo bek na comunidad y pa por duna aporte na e diferente instancianan cu ta duna nan tempo boluntariamente na comunidad, y pesey a kies Fundacion Autismo e biaha aki pa por ta beneficiario di un check na final di e kamp. Sra. Dilma Arends a expresa su alegria y ta sumamente contento di por acepta e check den nomber di Fundashon Autismo. El a indica cu atencion di prensa y di SIA pa e actividadnan di e Fundacion Autismo ta wordo aprecia masha hopi.
Den future SIA ta spera di por organisa mas voetbal campy ta hasi un yamada na participantenan como tambe sponsornan pa aporta na e exito di e tipo di evenemomentonan aki pa hubentud.
Pa mas informacion, pa inscribi bo yiu of pa informa con abo tambe por yuda, tuma contacto cu Victor Donata na [email protected]