Soccer Institute Aruba (SIA) ta organisa un footballcamp cu entrenador invita Robin Nelisse (ex hungado profesional di Feyenoord)

Dia 5 en 6 October SIA ta organisa un voetbalkamp pa muchanan di 6 pa 14 aña. E camp ta wordo organisa conhuntamente cu Robin Nelisse, conocido ex-hungado profesional di Feyenoord na Hulanda, y tambe conoci aki na Aruba como organisador di e Feyenoord voetbalkamp di e Caribbean Sports Foundation.
Soccer Institue Aruba ta un scol di futbol cu a ser funda na aña 2015, pa un grupo di profesional, cu experiencia den enseñansa di e deporte aki, den fasenan formativo aki na Aruba y na Hulanda.
SIA tin un ekipo tecnico altamente cualifica cu experiencia den training internacional. SIA su meta ta pa mehora e habilidad tecnico den muchanan entre 6 cu 14 aña, dunando e muchanan aki entrenamento suplemental, banda di nan entrenamento regular cu nan club. Training ta tuma luga den grupo di maximo 10 mucha, basa riba nan habilidadnan tecnico individual. SIA ta usa diferente manera pa siña e hungado, pa logra un experiencia maximo di enseñansa.
Cada les ta enfoca riba 2 fase di e wega (atake y defensa) y e pasenan di un fase pa e otro. E tecnicanan basico cu SIA ta enfoca ta: mehora e implementacion maximo di tecnica cu ta existi den futbol: core cu e bala, control, pase, kita bala y tira. Tambe ta enfoca ariba domina e tecnicanan: air game, e definicion di gol, tecnical, pase di banda y tecnica di defensa.
E uso di diferente tecnica dependiendo e situacion real di wega y crea patronchi motorico apropia pa responde den algun situacion tactico. SIA su metodo di entrenamento ta incorpora diferente tecnica cu nan ta siña e hoben futbolistanan den diferente paso teniendo e wega di futbol semper den mente.

“HAYA BO CERTIFICADO DI SIA!”
Despues di complete e camp di dos dia, e participantenan ta wordo otorga un certificado di SIA.
SIA ta organisa e camp pa atribui na e deporte di futbol aki na Aruba y cu e meta pa duna bek na e comunidad. Gran parti di recuadacion di e camp ta bay na un organisacion cu ta yuda hende cu tin limitacion fisico y/of mental, y tambe na esnan di menos recurso. Inscribi lihe, paso e tin cupo limita. Corda menciona nomber, number di telefon y fecha di nacemento ora di inscribi. Inscribi lihe! Pa mas informacion por yama 737-3119 of manda un email na [email protected]

Comments

comments