Soccer Institute Aruba (SIA) ta organisa pa di dos biaha un voetbal clinic di dos dia, conhuntamente cu ex-hungado profesional Robin Nelisse, conoci di Feyenoord, SC Cambuur, AZ, FC Utrecht y Red Bull Salzburg. E clinic lo tuma lugar dia 4 y 5 di Oktober di 9or pa 11or di mainta na Compleho Deportivo Frans Figaroa.
Soccer Institute Aruba (SIA) ta enfoca riba profesionalismo y calidad. Esey kiermen cu nos ta percura pa tin guia apropia pa e muchanan. Banda di un trainer general, semper lo tin un of mas trainer disponibel cu atencion personal y individual pa cada mucha cu mester di esaki. Apesar di e guia apropia tambe nos meta ta pa ofrece continuamente trainingnan innovativo y educacional.
Kiko e clinic ta encera?
Durante e clinic tin dos ora di voetbaltraining di trainernan experiencia. E trainernan ta para cla pa comparti nan experiencia y conocemento di futbol cu tur e muchanan. E dianan lo wordo varia cu training y actividadnan di voetbal caminda un experiencia placentero ta central!
Pa ken e clinic aki ta?
E clinic ta pa muchanan entre 4 cu 14 aña. Muchanan cu no ta miembro actualmente di SIA tambe ta bon bini na e voetbalclinic aki.
Kiko e prijs di e voetbaltraining ta?
E clinic tin un costo di Awg 75 pa cada mucha y pa e prijs aki e ta risibi:
Uniform (shirt, short y meya cu logo)
Certificado di participacion
Medaya
Un potret cu SIA su mascota Olé!
Un training varia bou guia di trainernan experiencia
Posibilidad di gana premio bunita di futbol
Con mi por registra mi yiu?
Bishita nos website siaruba.com pa registra bo yiu(nan). Una ves e registracion ta completo, bo ta risibi un confirmacion via email cu informacion di pago. E registracion ta bira definitivo una ves cu SIA risibi pago completo.
Por registra te cu 27 September 2017 (vol=vol)
Pa mas informacion por tuma contacto cu [email protected] of yama 593-8836