NEW YORK, New York – Dia 11 di September, 2001, dos cineasta tabata haciendo un documental riba un bombero di New York, pero a caba documentando e atakenan den Lower Manhattan.
Husto despues cu e prome avion a dal, Jules Naudet a sigui e ekiponan di rescate di e Departamento di bombero di New York pa e North Tower di World Trade Center, cu tabata na candela.
Su ruman homber, Gedeon Naudet, a keda den e sede di e bomberonan y despues a dirigi pa e Zona Cero. E video cu nan a captura lo a bira e documental 9/11. E rumannan, hunto cu un bombero retira y e cineasta James Hanlon, a papia cu CNN riba nan experiencianan.
“Loke a cuminsa como un dia normal di shelo bunita, a caba den un dia di morto y caos cu por a sinti manera cu nunca e lo bay caba,” Gedeon Naudet a bisa.
Su imagennan, curu, caotico y casi inconcenbibel, ta ofrece un mirada poco comun den un dia cu ta sigui ta tormenta un nacion 15 aña despues.
8:46 a.m.
E prome avion ta dal contra e North Tower
“Mi sa cu mi tin cu sigui filma, algo ta pasando. Pero kico…” – Jules Naudet.
E bomberonan ta wordo yama pa un fuga di gas cerca di World Trade Center ora cu e prome avion a dal. Jules Naudet y Chief Joseph Pfeiffer a core bay na e luga manera nan tabata haci cada dia di zomer, sin sa con mortal e dia aki lo a bay ta.
“Tur cos ta sosode den camara lenta. E zonido, e imagennan, diripente ta stop” – Jules Naudet.
Den e recepcion di e North Tower, e hefenan di bombero ta establece un puesto di mando, mientras cu e curpa y ruinanan ta cay riba vloer.
9:03 a.m.
E di dos avion ta dal contra South Tower
“Si tin un morto den un incendio, si bo no por salga un hende… ta algo hopi dificil pa lidia. Y Riba 11S, esey a multiplica pa mil, pa un miyon, pasobra tur hende kier yuda, tur hende kier a haci algo, pero ya tabata tin perdida di bida” – James Hanlon
9:59 a.m.
South Tower ta collapse
“E zonido, e boroto, ta aumenta y aumenta y mi tabata sa cu morto tabata biniendo pami. Mi tabata sa. No tabata un punto di bolbe” – Jules Naudet.
Batayon 1 y Jules Naudet ta mira South Tower collapse, desde dentro di e otro toren. Pfeiffer y Naudet a sali for di e North Tower pa un escena apocaliptico, E promenan den responde tabata tin 29 minuut pa tuma un decision: yuda esnan atrapa den e North Tower of retira pa salba nan mes prome cu e toren aki tambe cay.
“Mira e balentia, mira e curashi bo dilanti.. P’ami tin un mayor impresion cu e miedo experimenta e dia ey” – Gedeon Naudet.
10:28 a.m.
North Tower ta collapse
Un muraya y ruina ta rondona nos cu tabat core den e cayanan.
“Despues e zonido a stop y mi tabata bibo ainda. Mi ta kere cu a tumami algun seconde pa mi realisa cu mi ta na bida ainda. Mi tabata sigur cu mi lo a bya muri” – Gedeon Naudet.
E polvo eventualmente a sinta, pero e ciudad lo a hala su rosea durante lunanan largo.
“E hendenan tabata tin miedo di puntra: “Bo a mira esaki of esaya? Bo a mira Mike? Bo a mira Steve? Bo a mira Mac? Pasobra nan tabata tin un hende cu por a bisanan no” – James Hanlon.
Tur hende tabata tin un storia pa conta riba 11S: unda nan tabata, kendenan nan a perde. E bidanan a keda cambia pa semper, cu e dia aki haciendo resonando durante simannan, lunanan y añanan siguiente.
Ta un storia extraordinario… di resistencia, di supervivencia, di curashi, di amor. Pami, esaki ta e legado di 11S” – Gedeon Naudet.
Fuente: CNN en Español