Directiva di SNBA kier a extende un invitacion na lidernan di tur partido politico participando den e proximo eleccion pa asisti na nan prome “Town Hall Forum 2021″.
E tema di e encuentro aki lo ta: ” The time for San Nicolas & pariba di brug is NOW!”.
E meta di e forum ta pa pueblo pariba di brug por haya un bista real con serio y comprometi e politiconan ta pa cu e tema di San Nicolas y Pariba di Brug riba e tereno di desaroyo Social, Economico, y Financiero. Pero tambe kico nan ta ofrece pa desaroya esaki.
Pa basta aña partidonan ta bin pariba y somenta. A yega e momento pa wak en berdad ta ken tin e miho plan. E fórum di SNBA lo tuma lugar awe, diamars, di 7:00 pm pa 9:30 pm na EPB San Nicolas.
E Forum aki no ta un debate sino un oportunidad pa cada partido ofrece atrobe un plan realistico cu lo trece e desaroyo y alivio asina necesario pa cada ciudadano pariba di brug.