SMOA a bay corte despues di a purba pa hopi luna largo na varios ocacion di drenta den reunion cu Minister pero no por a logra esaki. SMOA ta keda pidi un reunion cu Minister.
Den e uitspraak fecha 5 di december 2016, Huez a wijst af e verzoek di SMOA pa haya subsidio pa e rector nobo riba un punto tecnico. E carta cu SMOA a haya di Directie Onderwijs bisando cu SMOA no ta haya subsidio segun huez no por wordo concidera como un decision formal pa apela. Huez no a duna un oordeel inhoudelijk riba e verzoek di SMOA pa haya subsidio. Lagando SMOA cu Colegio Arubano den un bashi.
Colegio ta wardanda keto bai riba un decision di bevoegd gezag esta Minister di Enseñansa. Mientras no tin bista riba un rector nobo. Despues cu Minister tuma un decision SMOA por bay haci un caso civil. Pero lo prefera pa drenta den reunion cu Minister.
Otro echos di banda di Colegio Arubano cual esnan concerni tur sa ta:
-SMOA y Colegio a traha un team amplio pa haci e scohencia di Rector den teamwork Y tambe a manda ful e procedura y rekesitonan pa oficina di Minister di antemano prome cu a cuminsa y a kies e candidato final pa e job. SMOA a haya feedback di Minister cual no a indica cu SMOA ta limita den su scohencia pa e rector nobo.
-Den tur candidato, tres so tabata di Aruba di mas cu 28 cu a aplica. Dus, no ta straño cu e chens cu e candidato no ta Arubiano ta grandi.
-Ta asina cu pa ta Rector di Colegio tin varios requisitonan halto cu ta haci cu no ta facil pa haya hende qualifica.
-Na scolnan na Aruba tin hopi docente cu ta di edad halto di exterior paso no tin suficiente docente cualifica na Aruba;
Pa loke ta es colmes, SMOA ta moviendo y e scol ta riba schedule cu so raportnan y tur cos. Scol tambe ta bezig ultimo lunanan cu training y a caba di haci un series di SWOT analysis pa por mehora e scol den diferente aspecto. E docentenan ta haci esaki hunto cu e Rectoraat. Colegio ta sigui den full swing y ta poco poco bezig ta introduciendo mas y mas uso di e hermentnan digital pa asina por ta mas efficiente den tur sentido.
Raad van Toezicht SMOA, 8 december 2016