SMFA a laga cera forno di calki cu heki

Stichting Monumentenfonds, for di despues cu e incidente, caminda cu’n persona a keda herida debi na kemaduranan ricibi, a causa di un candela den e forno di calki , a tuma e iniciativa pa cera esaki temporalmente cu hekinan rond di e forno mientras cu ta traha un structura pa cera e entrada mes.

Diabierna siman pasa SMFA a laga cera e forno di calki completamente di manera cu niun persona mas lo por drenta den e forno mas. E la wordo cera di tal manera cu no ta mishi cu e monumento mes. Awor e siguiente paso ta pa sigui busca fondonan pa por restaura e forno di Kalki cual ta un monumento proteha.

SMFA ta gradici Bureau City Inspector y Serlimar cu a coopera pa locual ta trata limpiesa di e area.

Comments

comments