Aruba ta celebrando nos Carnaval pa di 65 aña. E temporada di nos fiesta cultural lo dura 2 luna cu lo ta yen di actividad rond di nos isla.
Stichting Maneho Aruba su Carnaval, SMAC su meta ta pa tur actividad di Carnaval haya e debido atenion y promocion. Pa SMAC ta importante pa tur medio di comunicacion haya y publica tur informacion necesario pa asina cada informacion di nos eventonan yega na nos pueblo. Carnaval ta un fiesta di nos tur y cu e colaboracion di media nos comunidad por asisti na tur evento.
Pa e motibo aki, SMAC a nombra señor Lyonel Dirksz como PR di SMAC. Lyonel Dirksz ta conoci como un hoben dinamico yen di energia y cu un amor grandi pa nos fiesta di Carnaval.
Señor Dirksz lo mantene prensa na haltura di tur actividad durante e dos lunanan di temporada di Carnaval. Pa cualkier pregunta y informacion, prensa por contact Lyonel Dirksz directamente na : [email protected]
Directiva di SMAC ta desea Lyonel tur clase di exito cu su trabou di PR den e temporada di Carnaval 65.