MEXICO CITY, Mexico – Dialuna, Carlos Slim a informa di e posesion di un 5.1% di e empresa di logistica petrolero PBF Logistics LP.
Den un formulario remiti na SEC (Security and Exchange Commission), e ta splica cu e participacion ta ekivalente na 2.15 miyon di accion, ta den poder di e magnate y su yiunan Carlos Slim Domit, Marco Antonio Slim Domit, Patrick Slim Domit, Maria Soumaya Slim Domit, Vanessa Paola Slim Domit y Johanna Monique Slim Domit, mescos cu e entidad denomina Inversora Carso SA di CV.
Di acuerdo cu e informacion di e agencia Reuters, e empresa a wordo constitui dia 25 di Februari di 2013 y ta posee, huur, opera, desaroya y ta adkiri terminalnan di petroleo crudo, productonan refina di petroleo, ducto, terminalnan di almacenamento y otro tipo di infrastructura energetico.
Atrabes di su empresa Carso Oil and Gas, e conglomerado di Carlos Slim a haci dos licitacion pa camponan di crudo lihe durante e Ronda 2.3 di e Reforma Energetico.
Slim a keda cu e area 12 di e Cuencanan di Zuidoost cu un oferta di 6.1 miyon di dollar y cu e area 13, di cual el a ofrece 13.2 miyon di dollar.
Ta wordo premira cu e inversion di e magnate den e dos camponan aki, ta genera mas di 5000 trabao nobo.
Fuente: http://www.economiahoy.mx/