E parti di schoolgeld, esaki ta bayendo bon. Si mester bisa cu tin asuntonan social cu ta aporta na mayornan cu mester di e aporte. SKOA mes ta mustra hopi comprension na mayornan cu no por cumpli di un solo biaha. Nan ta mustra comprension pa cu esaki. Sra. Josette Daal, directora di SKOA cu e relato.
Pa e aña escolar ta keda mescos y e schoolgeld ta keda e mesun 175 florin. Pa loke ta e situacion di mayornan cu no por a paga e schoolgeld di aña anterior, SKOA tin un areglo di pago pa cu esaki. Pa mayornan cu no por cumpli cu e pago di schoolgeld di e aña aki, nan por bin SKOA y haci un areglo di pago pa e aña escolar cu ta biniendo, e ora nan por toch cumpli cu e pago.
Departamento Social ta atende cu mayornan cu p.e. no tin trabao; esey ta bay via Sociale Zaken. Mayornan cu tin trabao, pero tin dos yiu, SKOA tin e lista di e mayornan aki y SKOA tin un afspraak cu nan, y e sistema ta bayendo bon. Tin mayornan cu tin’e dificil, pero no den cuestion di e placa. E dificultad ta cu e mayornan tin problemanan social. Y esey ta haci’e dificil. Wela cu tin muchanan na su encargo door cu e mama no por. E problema social ta e peso mas pisa. No ta e 175 florin ariba su mes. Pero e problema social cu tin na Aruba cu hendenan no sa con pa maneha. Tin mayornan cu no sa kicp pa haci of con pa haci, cu SKOA ta traha afspraak cu nan. Ora cu handle cu mayornan aki, no ta solamente e schoolgeld di SKOA so ta bin dilanti, pero nan tin otro tipo di problemanan tambe, pero esey ta pone cu e mayor, e wela, no sa con pa deal cu e situacion. Hopi biaha ta parce cu ta e schoolgeld ta e problema. Pero esey no ta e caso. Nan ta consciente cu nan mester aporta na problema di e muchnana, pero hopi biaha ta e sistema social ta e problema.
Un mucha cu su mayornan no por paga su schoolgeld, toch e por sigui bay school. P’esey ta yega na un areglo cu e mayornan. Un mucha no por sali perhudica pa falta di cumplimento di parti di mayornan. Un mayor cu no por cumpli cu e pago, school ta mustra e mayor kico e mester haci, ki caminda e mester cana pa asina e por yega na un areglo di pago pa mayornan. SOciale Zaken ta cay aden y wak unda nan por contribui.
Den media por a lesa cu Minister di Enseñansa ta bezig cu e investigacion tocante e ‘normbedrag’. Y si esaki wordo drecha, esaki ta suavisa e contribucion di mayornan. Ainda scolnan tin actividad y esaki ta cay bou di cada scol. Un actividad pafo di scol, esaki ta costa placa. Si e scol kier bay come cu e muchanan, esaki ta costa placa. Pero e otro cosnan, manera e aircogeld, mester haci un berekening y wordo hinca den e normbedrag.
Pa loke ta e aircogeld, e gobierno anterior tabata tin e plan pa tur scol haya solarpanel, Sra. Daal a splica cu e no sa di e plan aki, pero cu si tin un comision cu minister di Enseñansa a lanta pa bin cu’n revision di sistema di airco, pa minister tene cuenta cun’e, ora di revisa e normbedrag. E pensamento di e minister di Enseñansa ta cu a largo plazo, tur scol lo mester haya airco.