E existencia di Stichting Katholiek Onderwijs, SKOA, ta wordo cuestiona. E ta un instancia Catolico, cu tin 46 scol ta resorta bou di dje. Sra. Josette Daal, directora di SKOA ta splica.
Bou di SKOA tin varios kleuterschool, scolnan basico como tambe varios MAVO. E ta un “bijzondere school” y e tin derecho di existencia. Paso den bo constitucion ta para cu bo tin e libertad di scoge e enseñansa pa bo yiu. Y den constitucion ta para cu e mayor tin e libertad ey. No ta SKOA so tin un bijzondere school, bo tin tambe SPOA, SWAZA y SVEOA. Tur ta scolnan cu ta wordo subsidia tambe. Den constitucion di Aruba, cu e derecho di scoge e enseñansa, e derecho liber di scoge.
Esey caba, segun Sra. Daal ta duna e derecho di existencia. SKOA ta e instancia di scol mas grandi. Nan tin mas o menos 10 mil mucha ta bishita scolnan di SKOA. actualemente, SKOA ta preparando pa cera y habri e aña escolar. Manera e fluho ta bay, di alumnonan ta bay drenta scolnan di SKOA. E klasnan ta birando mas grandi y tin lista di espera.
E sistema di con bo ta mustra ki ta bo necesidad, cual ta e “wenselijkheidsbegroting”. Nan ta haci esaki un documento basta amplio, basta overzichtelijk. Tin e lista di inventario aden, tin e necesidadnan pa cada scol y tin tambe e parti di mantenimento di edificio.
Despues cu esaki keda entrega, SKOA no tin bista mas ariba dje. Dus SKOA no tin bista ariba, ki scol ta bay wordo drecha, kico ta bay sosode. Esey ta sosode na Departamento di Enseñansa cu lo duna e conseho na Ministerio di Enseñansa, Sra. Josette Daal, directora di SKOA a splica.