Den cuadro cu e situacion di pelea entre alumnonan cu a surgi algun dia pasa na La Salle College, awe algun alumno a entrega un carta na SKOA pa motibo cu dos alumno a keda geschorst inhustamente segun nan ta declara den nan carta.
Zyniah Guerero, 16, ta bisa cu e y su ruman a wordo geschorst inhustamente y nan kier cambia un otro mucha muhe pa otro scol, sin ningun motibo pa tuma un decision asina severo segun e alumno, y nan no ta contento cu esaki. “Tanto otro mucha ta haya oportunidadnan cu ta haci mas cos erg, y nos no a haci nada, nos no a haya motibo pa kico a schors nos,” Zyniah ta bisa.
E hobennan a colecta 219 firma di otro alumnonan na scol cu un peticion na SKOA pa no cambia nan amiga pa un otro scol pasobra esaki no lo ta bon p’e, e ta un bon studiante den examenklas cu bon cifra y awor ta perdiendo hopi les.
SKOA ta bisa Masnoticia cu ningun decision a cay, e alumno ta keda geschorst, y cu no tin ningun motibo pa sensacion den e caso aki mirando cu e procedura ta canando su caminda.