Sra. Maroescha Cornelie, secretaria di sindicato SIMAR ta splica cu na opinion di sindicato, SKOA mester ta parti di e comision ora ta bay drecha oF traha un scol. E ta amplia.
En berdad, no ta poni niun caminda, cu directivanan di scol mester habri bukinan. Pero, segun sindicato nan ta transparente suficiente. Pero e tin cu bisa si, cu 4 aña pasa, na momento cu Minister Hooyboer a sinta, y prome cu esey, cabesantenan di enseñansa primario, a traha un rapport unda ta mustra claramente kico ta e gastonan di un alumno y e suma cu ta wordo subsidia no ta cuadra absolutamente cu esey. E ta algo cu por a wordo adapta caba, segun Sra. Cornelie. Loke ta wordo gasta na e studiantenan y tur e gastonan den un scol, ta wordo parti. Pa cada alumno ta haya cierto cantidad di placa, ta depende grandura di scol, depende di klas, tipo di enseñansa. Pero Minister a haya tur e informacion aki, y Sra. Cornelie no ta na altura cu el a sinta cu e directiva. Pero si el a haya tur e informacion. Y cada aña e cabesantenan ta mustra kico ta necesario na mantencion, y kico ta necesario pa drecha e situacion na nan scolnan.
Segun Sra. Cornelie, gobierno mester simplemente mester cumpli cu loke ta para den ley. Den ley ta poni cu coriente, awa y hasta gas ta wordo menciona. Tin scol cu no ta uza gas pero tin si. Hasta esey ta wordo menciona. Un cambio cu a tuma luga, ta mantencion pa loke ta limpieza y esey si a wordo cambia. Y esey ta hopi bon, segun Sra. Cornelie, ya cu ta hopi placa ta wordo gasta na limpiesa di e scolnan. Sra. Cornelie a enfatiza un biaha mas, cu gobierno mester paga awa y coriente di tur scol. Y no kit’e di e budget di tur e scolnan, sey ta yuda hopi caba.
Ora cu e mayornan a lanta un caso contra di SKOA, hopi faceta di ley hopi hende a bira consciente di nan. Nos tur ta ser humano y nos tur ta comete. Y desde e tempo ey, cu nos ta consciente di dje, tur actor mester a para ariba pa gobierno cumpli cu loke ta para den ley. Asina simpel e ta, segun Sra. Maroeshka Cornelie, secretaria di sindicato SIMAR.