Si no drecha loke mester drecha den WEB Aruba NV, por spera mas blackout na Aruba pasobra si tin placa pa Gobierno mester tin placa pa drecha den WEB Aruba NV mes, segun Erick Henriquez. Esaki ta e momento cu ta kaart aan e situacion. Sa cu ta pushando bon ta hay’e. Tur tin cos cu por fix di biaha. Ta duna por ehempel e WC, cu esey nan kiermen cu ta WC Europeo y no por haya bril na Aruba. Facil, ranca e WC completo y busca uno nobo. Ni esey no por wordo haci. Eseynan ta cosnan cu ta bisa cu ta dura mas largo.
Arogancia ta algo cu no ta awe mañan ta vence, pero cu ta trahando pa yega na dje. Si nan no yega na dje, e ora e trahadonan ta sigui nan caminda.
Aki ta papiando di boiler cu ta data di hopi aña. Nan tin nan reto cu nan.
E boilernan, ta mantene nan. E boilernan berdad tin nan aña. Kier yora, e boilernan ta den miho condicion cu e recipnan. Nan ta den un condicion deplorabel y desastroso. Gerencia a cuminsa worry tur cos pafo di WEB. Paden ta desaster. No tin atencion pa paden.
Mester fix den cas prome cu yuda bisiña chapi su cura. No ta asina wega ta bay cu ta zorg pa tene tur cos contento. Ta zorg pa tene Gobierno cu Green 100%, actividadnan, y ta na werki paden cu ni WC por cumpra. Mester pone e prioridadnan prome. Pa e sindicato e prioridad ta den cas prome. Despues por yuda otro.
Si no por yuda su mes, con por yuda un otro. Asina simpel e ta den mundo aki segun Henriquez.
E ta sigui splica cu e dolor ta cu tin fondo, pero ningun hende ta busca nan, ningun hende ta haciendo nada pa esey. Eynan con por tuma e trahadonan na malo cu nan ta demotiva y rabia. No tin caminda di para. Henriquez no sa con pa splica esey y e ta bira dificil. E ora tin cu cana nan caminda.
El a agrega cu e ta bisa pueblo cu esaki no tin nada di haber cu pidi 1 florin. Esaki ta pa pueblo mes, pasobra e mashinnan, manera cu nan ta, ta blackout por bay bin den un manera of otro. Sin conta e bida di e trahadonan cu ta na peliger eyden. Tambe sa cu pueblo mester di coriente y ta para pa esey. Mester di awa y ta para pa esey, pero mester wak den cas. Esey mester ta bon poni pa por yega na esey tambe pa pueblo, segun Henriquez.