Awe ta e gran dia, e dia caminda cu Ayuda Humanitario lo mester drenta Venezuela. Pero ya pa varios dia caba, cu e regimen di Maduro a pone containernan ariba e brug Las Tienditas pa asina e ayudo humanitario no drenta territorio Venezolano.
Despues di cu ayera tabata tin un concierto pa Libertad ariba e mesun brug aki, awe mainta situacion ta tenso na e frontera Colombo- Venezolano. Den e momento di tension aki, cuater militar a deserta pa Colombia, caminda cu un di nan a responde ariba e pregunta e pakico e ta crusa pa Colombia, el a bisa “mi kier libertad”.
Di otro banda, Diosdado Cabello a menasa di mata cualkier “soldaat’ stranhero cu durf di drenta Venezuela. Y di Maduro, no ta tende di dje for di diahuebs.
GUADIO
Mientras tanto, Guaido a sali cu e prome caravana rumbo pa e frontera di Venezuela, for di e Centro di Acopio na Cucuta. E ta hopi activo ariba su cuenta di Twitter, manteniendo e pueblo informa di cada stap cu ta wordo tuma.
PROTESTANAN
Den e estado Tachirense di Ureña, frontera cu Colombia, guardianan a tira gas lacrimogeno ariba e pueblo cui tabata manifesta pacificamente, pa asina e guardianan laga e ayudo humanitario drenta. E manifestantenan, den su mayoria, hendenan grandi tabata purba di desuadi e guardianan pa asina baha nan armanan y laga e cuminda y remedi drenta. Pero esaki a wordo respondi cu violencia, caminda cu e mesun manifestantenan a para un bus, baha e pasaheronan, y kima e bus aki.
Na Caracas tambe manifestacionnan ta tumando luga, mescos cu na varios ciudad di Venezuela.