Henter dia di diaranson por a tuma nota tur e trahadonan di WEB Aruba Nv ta pafo di e tereno riba e caminda di Balashi unda nan ta den welga y nan ta miembro di e sindicato SIWA. For di 2’or atardi SIWA a drenta reunion cu gerencia di WEB pa negocia na mesa relaciona cu e CAO cu a tranca na caminda. Diaranson anochi situacion a bira tenso unda grupo di trahado den welga a cera e porta di hero na entrada principal pa no drenta paden mes pa bay traha. Tanto esnan paden tampoco no por sali bay nan cas y aki e problema a start. Tin staff den e oficina pa maneha e planta y segun WEB riba nan facebook nan tin tur cos controla. A presenta algun hefe pa presenta na trabou pero no a laganan drenta caminda e trahadonan de welga a blokia e entrada. Polis tabata presente na e sitio pa mantene orden publico pa nada bay for di man debi cu e trahadonan tabata basta rabia y cos por bay for di man sea cu e coleganan paden cera y of esnan pega pafo pa drenta paden y sigui cu nan trabou como hefe.