E desaroyo tocante e situacion di Venezuela tabata e punto cu a bin dilanti den e ultimo reunion di IPKO cu a tuma luga na Hulanda. Presidente di Parlamento, Sr. Ady Thijsen cu e informacion.
Referiendo cu e problematica aki Hulanda a bisa cu nan ta haci locual cu nan por, pero ta parce cu nan a lubida cu e mesun secretario di estado aki bisa publicamente cu no por conta cu nan riba placa. Secretario di Estado a bisa cu Aruba no por conta ariba yudansa financiero, pero si e por duna ‘Techinisch Bijstand’. Y awo, gobierno di Hulanda ta bisa cu Aruba mester pidi nan esey. Sr. Knops ta forma parti di e gabinete Rutte.
Aruba a dicidi di cana su caminda via Euroland, Europarlament y Euro Comitee y ta wardando ki ta bay pasa. Esaki ta e prome paso, e di dos ta cu ta bay tin un afspraak diabierna cu un di e Minister Blok mes. Tanto lidernan di fraccion, presidente di parlamento y griffier lo ta presente na e reunion.
Hulanda ta bisa cu nan no ta reconoce e resultadonan na Venezuela ni e gobierno di Maduro, pero si nan a manda un consul general cu tur hende ta papia di dje, den e periodo electoral. Riba esaki gobierno di Aruba ta puntra kico ta e bedoeling y e pensamento di Hulanda anto y kico ta bay pasa cu e acuerdonan. Asina tin yen di pregunta pa por sa e ora con gobierno di Aruba ta para riba esaki.
Den todo caso e reunion a bay bon cu Sr. Tjon como vocero unda a bin cu otro topiconan cu tabata hopi bon tambe. Pero esun di Venezuela tabata e mas crucial, caminda cu tambe e hende cu ta puntra pakico ta bay biaha Hulanda. Pero en berdad tin cu haci’e ya cu ta tratando di decisionnan di Reino cu tin consecuencia directo pa pais Aruba y vooral den finanza.
Ora cu yega momentonan crucial y decisionnan mester wordo tuma cada pais ta wak su interes. Hulanda tin hopi interes economico como pais riba Venezuela, pasobra cu Minister President ta sinti cu Hulanda ta tuma decisionnan a base di nan situacion pero no ta wak e posicion di Aruba .
Pero ta papiando riba esaki door di e presion cu Aruba a pone riba nan, pero esey tin un proceso na Hulanda y esey ta tuma tiki tempo caminda tin cu corda cu Aruba ta un pais chikito cu ta den un posicion vulnerabel for di 8 aña pasa.
Finalmente Delegacion di Minister President ta keda mas dianan na Hulanda pa defende nan punto y ta bay papia cu camara di e Ministernan den detaye pa wak con lo keda funciona y busca solucion pa por brinda pueblo un salvaguarda y percura pa e bienestar.