Situacion di chauffeurnan di autobus ainda ta status quo

E malcontento entre chauffeurnan di autobus ainda ta status quo, pa loke ta nan situacion. Algun siman atras, e chauffuernan di autobus a reuni cu minister di Transporte, Sr. Chris Romero, pa loke ta e cambionan cu nan a pidi.
Dia cu e chauffeurnan di truck a welga, den un pa dos dia, a haci e cambionan pa nan. Pero e chauffeurnan di autobus tin varios dia ta yamando, pero nada ainda. Y ainda nan ta sperando un contesta definitivo di parti di e minister.
Sra. Lisette Winklaar, di chauffeurnan di autobus, a splica cu tin un cooperacion entre nan cu cada cinco minuut, cu of sin pasahero, e bus ta sali. Y asina mes e ta un chaos ainda, di tanto bus cu tin. Y cierto camindanan cu mester di servicio, a pidi pa baha e cantidad di busnan, y ainda nan ta wardando ariba un contesta. A bisa e chauffeurnan cu lo bay haci un investigacion cu TNO, pero e tardamento ta birando di mas.
E contacto entre chauffeurnan cu minister t’ey, nan a yama varios biaha, a purba contacto cu Sr. Patrick Lejuez, Anuar Lacle, Theo Kock. Y sin un reaccion tocante e feedback pa un afspraak pa e chauffeurnan di bus.
Practicamente, henter e sitaucion ta status quo. Pa loke ta e nrplaat, juni ta cerca y ainda nan ta wardando si ta bay pag’e na e prijs bieu of tin cambio.
Kico ta bay pasa ta e pregunta, pero no tin niun contesta.
Un biaha mas, representantenan di autobus kier un reunion mas pronto posibel cu e minister. Kico ta bay paga cu e 8 autobusnan, pa nan por sa con nan ta bay sigui.
Y si nan mester bay den accion un biaha mas, nan lo haci’e, si esaki ta e unico manera pa haya atencion. Pero nan mester un contesta hopi lihe, segun Sra. Lisette Winklaar, representante di chauffeurnan di autobus.

Comments

comments