Presidente di Parlamento, Mervin Wyatt-Ras ta informa cu den e temporada di recess, cu a cuminsa dia 10 di Juli y lo finalisa medio Augustus, lo no tin reunionnan publico, di comision central y di comisionnan den Parlamento. Den e temporada aki e personal ta tuma su vacacion y trabounan por tuma luga den Parlamento. Actualmente ta trahando riba e sistema di airco cu lo haya renobacion, mientras cu e sala di Parlamento ta haya algun reparacion. Esaki danki na e bon trabou di administracion financiero cu a nota cu tin placa cu a resta di e presupuesto anterior cu no a ser uza pa loke nan a ser pidi. Di e forma aki e cambionan aki a ser trata durante cu a debate tocante presupuesto na final di aña 2016. Presidente di Parlamento ta gradici nos pueblo pa s comprension pa cu esaki.