MANAGUA, Nicaragua- Un sismo di 5.1 ariba scala di Richter a sacudi Nicaragua diasabra anochi, segun e servicio Geologico di Merca (USGS).
E epicentro di e moviment telurico tabata localisa na un profundidad di 18.9 km, na 100 km dilanti di e costanan di e municipio di Corinto, noord di e pais.
E sismo a wordo sinti na diferente luganan di e region, segun internautanan a expresa ariba rednan social. E fenomeno ta bin despues di un serie di movimentonan telurico cu a wordo raporta den Centroamerica, aunke autoridadnan no e relaciona e eventonan.
Dia 31 di Augustus, den e territorio di Nicaragua, Guatemala, El Salvador, Costa Rica y Panama, a regista un total di 16 sismo di magnitud abao, cu no a laga victima ni dañonan material.
Otro sismo di 5.3 a keda sinti den e estado di Idaho, Merca. E epicentro di e sismo ta situa na 17 km oost di e ciudad di Soda Spring, na un profundidad di 9.2 km. Ademas, despues di e teremoto shete replica a wordo sinti di entre 3.1 y 4.1 .
Un di nan a keda registra na un profundidad di 4.3 km.
Fuente: https://actualidad.rt.com/