Na Aruba Bank a tuma lugar e conferencia di prensa unda cu a anuncia e yegada di Sinterklaas cu su pietnan.
Prepara nos muchanan pa Diadomingo 13 di november 2022 pa e yegada di Sinterklaas na Harbour Arena 10:00 di mainta. Tur hende por drenta e dia aki den Harbour Arena pa yama bonbini na Sinterklaas.
Di aki Sinterklaas lo sigui cu un parada cu lo termina na Plaza Padu unda cu actividadnan tambe ta cuminsa din10or di mainta caminda ta bay tin presentacionan di Muchanan Sabi y actividadnan pa nos muchanan. Pues ta keda na cada mayor pa evalua di nan lo bay Harbour Arena pa yama bin bini na Sinterklaas na su yegada of ta warda pa mira Sinterklaas na Plaza Padu.
Minister Xiomara Maduro a splica e motibo pakico Aruba tambe ta forma parti di e cambio di e celebracion cu e pietnan di color. Esaki ta pa evita tur sentimento discriminatorio specialmente cerca nos muchanan.
E importante ta pa nos ban celebra cu nos muchanan den e temporada dushi nos dilanti caminda muchanan tin e tarea pa haci extra bon mucha y disfruta di e inocencia di nan infancia.