Manera tur hende sa pa motibo di awa, Sinterklaas a yega hopi laat anochi riba diadomingo pasa, pero Sinterklaas y su Pietnan no por keda sin celebra cu e muchanan di Aruba. Esey kiermen cu diadomingo awo riba dia 27 di November 2016 bisa mami, papi, oma, opa, tanti, oompi y tur e muchanan pa bin celebra riba e dia tan spera!
E celebracion aki lo ta for di 3’or pm te cu 7’or pm riba Plaza Libertador Betico Croes na Vondellaan.
Pa 3’or di atardi Sinterklaas lo ta tumando e cayanan di Vondelaan cuminsando na Banco di Caribe bay zuid te ora e yega Plaza Betico Croes. Ta bay tin diferente stand di cuminda, cos dushi y coy bebe, tambe baile y cancionnan di e dushi temporada aki. Sinterklaas ta bay gosa tambe hunto cu Katatumbo y dimes e ta invita tur nos muchanan pa bin gosa di e dushi gaitanan riba e atardi aki. Ban nos tur celebra e dia aki hunto cu Sinterklaas y su Pietnan! Mas cu claro nos Pietnan lo baila, canta y haci weganan pret cu nos muchanan.
Sint y e Pietnan kier celebra en grandi hunto cu nos muchanan, No Perde!!
Diadomingo 27 di November 2016 / 3’or pm pa 7’or pm/Plaza Betico Croes.
Fundacion Sinterklaas ta invita henter e comunidad pa bin celebra cu Sinterklaas y ta gradici tur e boluntario, artista y esnan cu a duna nan apoyo y sosten pa realisacion di e Celebracion aki.