Comision Sinterklaas ta preparando un biaha mas pa yegada di Sinterklaas, cual e aña aki lo tuma luga dia 18 di november, pa 10 or di mainta. Sra. Evelina Frank- Maduro cu e relato.
Sinterklaas lo yega na e porta di yegada di APA, hunto cu su Pietjesnan. Nan lo pasa den e caya di L.G. Smith Blv, y termina na Plaza Betico Croes. Aña pasa a bay un tiki mas pariba, den e terminal di crucero, pero e aña aki el a bay APA mes, na e toren dilanti Yrausquin & Sons, caminda semper e ta yega.
Semper e terminal di crucero ta fastioso, ya cu si tin cruiseship den waf, e comision no por haya permiso pa e boto di SInterklaas para eynan. Y esey ta e motibo pa cual a dicidi di bay bek na e entrada di APA.
ACTIVIDAD
Pa locual ta e parada, Sra. Frank- Maduro a bisa cu tin sorpresa e aña aki, y ta invita e pueblo pa bin presencia e parada pa asina mira locual cu e comision a traha duro pa e gruponan riba caminda ta trece dilanti. E comision lo tin e actividad na Plasa Betico Croes cu lo cuminsa for di 10 or di mainta, cu canto y baile, cu diferente storia pa e muchanan. Lo bay tin tent di feria, cuminda y cos di bebe pa e muchanan, Dino Jump, pintamento di cara. Ta bay tin diferente actividad ariba Plasa Betico pa asina celebra e yegada di Sinterklaas.
TEMPO
Pa locual ta mama Naturalesa, pero no por bringa contra di dje. Y si awa yobe, lo mester bay na Plan B, cual lo wordo anuncia despues. Pero a prepara tur cos di tal manera, cu ta celebra e yegada di Sinterklaas ariba diadomingo, 18 di november proximo.
E parada lo sali for di Toren di APA, y lo caba na Plasa Betico Croes. E actividadnan lo ta di 10 or di mainta te cu 3 or di atardi.
Tur mayor ta keda invita pa trece nan yiunan pa trece un fiesta cu ta special pa muchanan for di 10 or di mainta y asina den un caravana lo bay te cu Plasa Betico Croes. Y eynan lo tin un festividad te cu 3 or di atardi. Ta pidi mayornan pa tene bon tino pa e muchanan. Nan ta chikito y tene cuenta cu ta bay tin un multitud grandi. Wak bon pa e chikitonan, pa asina tur hende por pasa un dia placentero cu e yegada di Sinterklaas.
YEGADA
Normalmente porta ta habri 9 or di mainta y nan por drenta te paden pa ricibi Sinterklaas. E aña aki Sinterklaas lo yega cu dos boto, cu regalo y yen di mangel pa nos muchanan. Tur mucha ta bon bini.
E comision ta keda mantene e tempo di actividad manera cu ta. E dianan ta pasa lihe pero mas trempan ta bira mas dificil. Pero e 3 siman tur cos por cana bon. Den 3 siman nan por festeha e yegada di Sinterklaas ta trece cun’e. E ta bon idea pa mantene e actividadnan manera cu e ta te cu aworaki.
Aunke un mucha ta haci aña e dia aki, e ta bira dificil pa Sinterklaas duna un solo mucha regalo y e otronan no ta haya, cual mucha no ta compronde. Y e ta unfair pa cu e otro muchanan.