Movemento Unificado St. Maarten Resiliente URSM, Partido Democrata DP, Partido pa Progreso PFP y Nation Opportunity Wealth NOW a bin na un acuerdo di coalicion p’e periodo 2024-2028.
Nan a firma oficialmente un acuerdo di coalicion historico diasabra anochi, marcando e comienso di un era nobo di gobernacion colaborativo. E ceremonia di firmamento a reuni e lider y e miembronan di parlamento electo di cada partido politico, mustrando un compromiso cu e unidad y e progreso p’e mehoramento di Sint Maarten y su ciudadanonan.
E acuerdo di coalicion a mustra un vision integral p’e proximo cuater añanan, enfocando riba cuestion clave manera e desaroyo economico, bienestar social y sostenibilidad ambiental.
E lidernan di URSM, DP, PFP y NOW a expresa nan entusiasmo p’e colaboracion.
Potret di: Daily Herald Sint Maarten.