E topiconan den e dianan tabata e tarifa introduci pa Serlimar recoge sushi. No ta tur e gremio y/o sindicatonan tabata di acuerdo cu e tarifa aki.
A pesar di cu parlamento a aproba e tarifa aki caba, asina mes e mandatario encarga cu Infrastructura y Medio Ambiente, Sr. Otmar Oduber a reuni dialuna atardi cu e sindicatonan SEPPA, SPA, AVB, STA, TOPA y SADA, Durante e reunion aki a duna informacion amplio ariba e proceso hiba te awo pa por elimina e dump na Parkietenbos, como tambe implementacion di un sistema duradero pa procesa sushi den futuro.
Durante e reunion aki, a splica tambe ariba e tareanan di Serlimar y e 25 florin cu lo cobra entrante 1 di maart 2019.
E reunion aki a bay den un bon ambiente y sindicatonan, na un forma unanime, a mustra ariba e deber nos cada un tin, den paga Serlimar pa e servicio brinda na comunidad.
Organisacion OPPA tambe tawata presente y a mustra nan preocupacion pa e grupo mas vulnerabel bao di e pensionadonan. Minister Oduber a sigura OPPA, cu pa otro siman lo sinta bek na mesa pa atende cu e grupo aki.
Sindicatonan SIMAR y FTA tambe tawata invita pero a cancela un rato prome cu e reunion pa motibo di otro compromiso.