Sr Rene Bernabela di sindicato TOPA a informa durante un entrevista cu su miembronan a informa e sindicato riba un di nan coleganan a keda afecta y tabata den e werkplaats di KIA. Di banda di sindicato a tuma contacto cu e bureau di minister pa tuma contacto cu e leiding di KIA pasobra a haya esaki un situacion preocupante di parti sindicato pa cu e miembronan, y full e personal trahando na KIA. Tin un dialogo cu a tuma luga siman atras cu e director di KIA riba e problematica y mester por tin un mihor contacto den e forma di driekhoek pa informa e bureau di minister, cu leiding y sindicato pasobra nos tin cu salvarguardia e salud di nos miembronan na pia di trabou y no por ta asina cu despues cu e situacion bira alarmante e ora kier atende cu e problema. Sr Bernabela a bisa cu kier traha den un forma preventivo y na momento cu a haya e informacion di nos miembronan y di part e sindicato TOPA a tuma contacto cu e departamento di minister di husticia. Sindicato TOPA na momento cu a papia cu e bureau di e mininister encarga cu KIA, e parti preocupante ta DVG cu tin cu duna un indicacion kico tin cu pasa den KIA y kico ta e procesonan cu tin cu tuma luga pa cu den KIA.
E punto di bista di sindicato TOPA ta keda monitoria e situacion pa cu den KIA, tin contacto cu e bureau di minister di husticia y tambe e leiding di KIA y lo keda pendiente y ora haya cualkier informacion for di un di nos miembronan trahando na KIA pa cu loke ta COVID19 ta tuma e situacion aki na serio y lo informa esnan concerni.