Presidente di sindicato TOPA, sr. Rene Bernabela ta papia di e reunion cu gobierno pa e tema di Hulanda y 12.6% di salario di trahado. Segun sr. Bernabela un splicacion di e landspakket y kico tur e contenido ta encera.
E ta bisa cu hopi di e puntonan cu a trece dilanti ta deseo di gobierno di Hulanda cu a hinca den e landspakket cu awo lo mester traha riba dje. E ta bisa cu minister president cu cada punto cu tin, tin un splicacion su tras, esnan cu no lo tin contesta lo mester bay Hulanda pa busca mas informacion riba esaki.
Sr. Bernabela ta bisa cu tin diferente aspecto cu mester keda cu splicacion. E aspecto di 12.6% di cortamento di salario di ambtenaar ta conta pa tur minister y parlamentario, e ta bay keda asina y pa 2021 no lo tin cambio.
Un otro punto cu sindicato TOPA a trece dilanti ta e preocupacion di promocion. Caminda sr. Bernabela ta bisa cu a keda sosteni pa otro sindicato pa motibo cu no ta contento con e proceso di promocion ta tumando luga.
“Esey pa nos desolucion, for di momento cu gobierno a sinta y den continuacion cu otro aña tin eleccion atrobe y ainda e asunto di promocion no tin claridad. 3 aña a pasa y ainda no por splica sindicato”, e ta bisa.