E siman tras di lomba a tene un referendum pa trahadonan di Aruba Fuel Marketing & Supply NV, su departamento di distribucion a participa na e referendum aki. Sr. Rene Bernabela, lider di sindicato TOPA, ta amplia.
Un total di 12 trahado tabata tin derecho di voto, di cual dos tabata den exterior, di cual TOPA a haya 8 voto na fabor y 2 na fabor di niun sindicato. Asina tambe TOPA tin derecho di representa e trahadonan di e departamento di distribucion di Aruba Fuel Marketing Supply NV.
E ultimo CAO a wordo negocia pa e ultimo sindicato, y un comentario straño cu a haya ta cu e compania RDA (Refineria Di Aruba) cu ta esun encarga cu Citgo, tabata paga e sindicato e contribucion di e trahadonan cu ta miembro di IOUWA. TOPA a haya esaki hopi straño, ya cu nunca antes a yega di tende cu’n doño di trabao ta paga e placa di contribucion di sindicato pa e trahadonan y nan no sa si esaki por a wordo negocia den e CAO. Pero ta prome biaha cu a tende di e tipo di maniobranna aki.
Sr. Rene Bernabela a sigui bisa, cu locual nan a tende di e mesun trahadonan, RDA tbata paga IOUWA e contribucion, e trahadonan no tabata tin derecho di protesta ni tampoco reclama nada tocante e CAO y p’esey nan a dicidi cu nan no kier ta afilia mas na sindicato IOUWA y a dicidi di afilia na sindicato TOPA. Awor ta toca TOPA pa representa e trahadonan den e CAO of cualkier caso of novedad den e CAO actualmente tambe.
Si tin cualkier discrepancia, aunke cu e CAO ta valido, cu e trahadonan no ta di acuerdo cun’e, sindicato TOPA por sali representa e trahadonan na pia di trabao. E compania grandi cu ta representa e trahadonan ta RDA, nan tin un sub-departamento bou di nan, cual ta e Aruba Fuel Marketing & Supply . E departamentonan cu locual cu a cuminsa cun’e, ta esun di distribucion, pero esey no ta kita afo cu den futuro, si e interes ta pa esunnan cu ta traha na airport lo ta interesa pa un referendum, esey tambe lo por ta un posibilidad den futuro. Pero lo mester wak esaki si encaso e momento aki yega, segun Sr. Rene Bernabela, lider di sindicato TOPA>