Sindicato STA y su delegadonan conhuntamente cu gerencia di Caribbean Palm Village Resort ta firma un acuerdo pa e empleadonan caminda e mayoria di empleadonan miembro di STA lo conoce un adelanto di mas cu 12% reparti den 3 aña. Aparte cu e trahadornan tin nan aumento nan sigura, gerencia di CPVR ta sigura un 3% maximo den e fondo di spaar y tambe e empleadonan tin nan bonus di fin di aña sigura. No obstante e acuerdo aki partidonan a acorda pa reuni bek riba e CAO den luna di October otro aña pa asina wak kiko mas por drecha pa e empleadonan. Directiva di STA kier a felicita e empleadonan y tambe gradici gerencia di CPVR y e delegadonan. Danki na Hans, Gabri, Astrid, Francia, Jael y Eugene pa nan pasenshi y siguramente nos bon Dios cu a ilumina e dirigente nan di STA pa cu logro tremendo aki. Un biaha mas Pabien.