Directiva di sindicato S.T.A. kier a gradici tur su miembronan pa e sosten Brinda durante e accionan di e diaranson y diahuebs ultimo durante cual accion a sostene nos coleganan trahando den e departamento di douane pa locual ta trata seguridad di trahadornan pa locual ta concerni e parkeo den cual tabata tin 1 empleado cu a wordo agredi.
Sindicato S.T.A na varios ocacion a trece e problematica aki den reunion nan cu gerencia di IASA pero tambe na oido di gerencia di AAA NV.
Diaranson dia 11 di Mei 2017 sindicato S.T.A. a dicidi cu ta basta y cu mester yega na un solucion pa cu e problema aki. A conclui tambe cu e problema pa cu e parkeo no ta AAA NV sino nos ministernan y hefenan di departamento cu kier purba wanta nan costo nan abao (“begroting”) a costo di seguridad di nan propio empleadonan.
Pa sali for di e empase aki y pa trata di yega na un solucion rapido sindicato S.T.A. a compila un carta pa ministernan Drs.A.L.Dowers, ing. M.E.de Meza y mr. A.R. Bermudez cu peticion pa un reunion cu caracter di urgencia cual carta a ser firma pa sindicatonan S.T.A. , SEPPA, T.O.P.A y S.A.D.A. y a duna nan 24 ora espacio pa reuni cu e sindicatonan sino accionan lo escala.
Diahuebs 12 di Mei 2017 e 4 sindicatonan a reuni cu e 3 ministernan y a logra convence nan pa duna ordo na AAA NV pa reactiva e carchinan di parkeo pa asina ey tur e empleadonan di IASA y DOUANE por staciona nan vehiculo den e “parkeerplaats” cubri pa panelnan solar, esta esun bandi pariba. Locual ta nifica cu desde diabierna 13 di Mei 2017 tur hende emplea na e departamento nan aki por staciona nan vehiculo eyden durante ora di trabao manera a keda palabra. Nos di directiva di S.T.A. kier a gradici su delegadonan y tur su miembronan y tur esnan cu a sostene e lucha aki y alabes felicita nan pa cu e logro aki.
PABIEN !!!!!!!!!!!!