Sindicato STA lo tene un congreso proximamente, pa cual Sr. Diego de Cuba ta amplia mas ariba esaki.
Segun Sr. de Cuba, nan ta sinti e necesidad for di basta tempo caba, cu mester bay educa primordialmente e delegadonan, y tur e miembronan tambe. E clase trahado aki na Aruba a wordo laga un banda hopi tempo caba y nan sa cu falta di hopi informacion. Pa es motibo aki tambe, sindicato STA tambe pa un parti fundacion cas tambe a duna un man, nan a dicidi di organisa e conferencia, cual lo tuma luga dia 7 y 8 di December proximo, na Piedra Plat Entertainment Center.
E necesidad pa informacion ta hopi grandi pa pais Aruba, y ken cu miho cu e sindicato pa habri e caminda pa cu e informacionnan necesario, cu e delegadonan mester di dje. Y despues di esaki practicamente tur e clase trahado mester sa kico ta pasando precisamente. STA lo bay tin oradonan manera Ramphsey Acosta cu lo bay elabora ariba pensioen y Sr. Ben Marapin cu lo bay elabora ariba economia tambe. Tin Ramphis Kolfin cu lo duna tambe su aporte na esaki papiando di etica. Tambe locual ta pasando y a pasa tambe den e gobernacion anterior y kico ta premira pa cu e futuro y e gobernacion nobo aki.
Manera tur hende sa, Sr. de Cuba a sigui bisa, den e gobernacion anterior, lamentablemente e comunicacion cu e minister di labor tabata masha limita mes. Casi no tabata tin relacion y STA ta kere cu sindicatonan aki na Aruba, mester tin un miho comunicacion cu minister di Labor, sikiera un bes pa dos bes pa luna. Esaki ta pa nan ta na altura di e situacion di pais Aruba.
Precisamente pa esey tambe STA ta bay tene e conferencia aki, pasobra cu nan kier duna e palabra democracia, e balor real. Participacion di empleadonan den compania, aki na Aruba e empleado ta bay traha, cobra su salario y nada mas. Pero not a mira e espacio caminda ta wak e trahado ta progresa den nan trabao debidamente. Tin hende ta cuminsa na un posicion y despues di 40 aña ainda nan ta den mesun posicion.
Ta deber di e compania pa educa nan miembronan pa upgradenan, debidamente. Tin ta haci esaki, pero mayoria no ta haci’e. Si ripara bon, na Aruba tin un sclavitud moderno. Esey no por sigui asina. E clase trahado merece miho y tin hopi cosnan cu mester bay wordo cambia. Ta p’esey e conferencia aki, unda cu lo informa e delegadonan di e situacion di pais Aruba.
Cu boluntad por yega na soluciona e problemanan di nos pais. E clase trahado ta esun cu ta duna su aporte na e comunidad aki y STA kier mira un cambio grandi tambe., segun Sr. Diego de Cuba.