Sindicato SPA y miembronan a bay Parlamento entrega carta di preocupacion

Diaranson merdia sindicato di Polis SPA a reuni cu su miembronan na Wilhelmina Park a papia riba e articulo 7 relaciona cu e bezoldiging. Sr Dirks a menciona tambe cu Gobierno a gaña sinta na mesa cu nos cu nan lo haci algo y colega sindicato SADA a duna un presentacion tambe durante un reunion, ora cu a compronde esaki e coordinadora di Minister di Finansas no por a splica.

Sr Dirks a menciona pakico ta bay Parlamento pasobra nan tin cu bay aproba di ley cu a papia di dje di articulo 7, y sr Dirks a menciona cu den Parlamento di Aruba tin tres polis ban wak si nan ta para banda di nos unda ta 7 mil ambtenaar lo keda corta.

Sr Dirks a topa cu Presidente di Parlamento unda el a splica con e reunion di SPA a bay relaciona cu e articulo 7 cu tin den e ley cu a yega Parlamento. Unda den articulo 3 ta poni cu ta bay corta 5% den nos bezoldiging. Y articulo 7 ta papia cu Gobierno por hisa e porcentahe sin pasa den parlamento y esaki ta algo antidemocratico sr Dirks a menciona.

Su coleganan a pidi SPA pa traha un carta y duna parlamento pa no aproba e ley aki. E tres sindicatonan, SPA, SADA y SIMAR a uni den e lucha pa no kita e porcentahena aki. Sr Dirks a lesa e carta cerca Gobierno di Aruba.

Sr Thijsen a menciona cu si tin algo no ta bon segun constitucion y principio di bon gobernacion y leynan nos tin cu trate y cada parlamentario tin e obligacion pa trata e peticion y nan ta sea aproba of desaproba. Diabierna awo SPA a keda invita pa e reunion di comision.

Comments

comments