Miembro y no miembronan di SPA dia 7 di December 2017, por a skucha un mensahe manda riba Whatsapp di e president di SPA, Sr. Edgar F.A. Maduro caminda cu e ta yama TUR MIEMBRO NAN DI SPA CU NO A PRESENTA na e reunion di e dia ey, cu a wordo yama riba es dia ey pa mas o menos 11 or di mainta, cu caracter di urgencia. Cu excepcion di e mas o menos 10 miembronan presente, a yama tur e otro nan pa RATON, LAGADISHI I pa SET DI COBARDE.
E expression nan ariba menciona NO ta acceptabel pa ningun miembro y no miembro di SPA cu no a presenta na dicho reunion pa cualkier rason.
Nos como miembro nan di SPA ta considera esaki como un INSULTO y sigur no ta manera pa un presidente di sindicato expresa su malcontento door di falta su miembro nan RESPET. Un president di sindicato mester keda profesional na tur momento.
Como recordatorio dia 10 di juli 2017 un carta di parti di Grupo di polis preocupa a wordo manda pa colecta firma pa un reunion di urgencia tocante un decision cu SPA a tuma riba nan mes sin un mandato di su miembro nan. (refiriendo riba e famoso expression nan hasi dilanti di bestuurskantoor den desconfiansa di miembro nan den actual Korps Chef)
Den un reunion na POVA na luna di Juli 2017, miembro nan di SPA a presenta masalmente na e reunion caminda a wordo dicidi unanimamente cu SPA NO por y NO mag tuma ningun decision sin un reunion y e mandato di su miembro nan.
Keto bay ainda president di SPA ta dunando declaracionnan, na nomber di e miembronan y sin a tene reunion, stipula agenda cu e puntonan y haya mandato di su miembro nan.
Abase di e ultimo acontecimentonan miembro nan ta exigi un reunion mas pronto posibel cu SPA pa e miembro nan por dicidi kiko lo ta e siguente paso nan cu lo wordo tuma.