Via e comunicado aki sindicato S.P.A. kier a expresa nan malcontento pa loke a sali diaranson, 15 di mei 2019, den diferente medio di comunicacion na Aruba over di e inval di R.S.T. na cas y negoshinan di chines. Riba e diferente websitenan por a mira claramente inzet di militarnan na un supermercado. Loke ta remarkable ta cu e militarnan tabata cana rond cu nan arma di candela!!! Pregunta ta: nan ta bevoegd pa haci esaki? E proceso ta cu pa nan actua riba caminda publico, den poder di nan arma di candela, nan mester tin un machtiging pa esaki. Ta asina ta birando cu poco poco militarnan ta haciendo trabou di polis na Aruba? Nos ta bayendo den mes un direccion cu Venezuela? Kico lo pasa si un di e militarnan tira un cuidadano cu nan arma di candela, durante inzet, sin ta bevoegd pa carga esaki? Ken ta bay para responsabel pa esey?
Cuerpo Policial di Aruba tin suficiente personal y capabel pa asisti RST den un investigacion di cualkier magnitud.
Sindicato S.P.A. kier pone pueblo di Aruba bon na altura, cu si mester pidi refuerzo di militarnan hulandes, vooral pa yuda den investigacion nan hudicial, tin un procedura estricto mara na esaki y ta na momento cu cuerpo policial no tin e personal suficiente pa atende e caso, lo mester hasi e petishon aki.
Pa termina, trabou di polis mester keda trabow DI POLIS. Trabou di militar mester keda trabow DI MILITAR.