E siman aki tabata uno historico pa sindicato di polis cu a yega un acuerdo cu e otro sindicatonan di e paisnan di reino pa asina por sigui traha hunto y yuda otro ora mester pa tur polis pa cual aki Sr. Edgar Maduro presidente di SPA ta splica.
E idea a bin di parti di e directiva y a sinta papia di un aliansa entre e paisnan, e islanan den Reino Hulandes, pa por coordina, traha hunto na vanguardia di nan miembronan. Y tambe ta uza un solo richtlijn, ya cu tin e mesun tipo di trabao y mesun tipo di obligacion pa traha pa e miembronan pa sigui nan trabaonan.
Por ehempel, hopi biaha un ta back up otro, polisnan Arubano ta bay Corsou yudanan den un caso y vice versa, nan por haya nan mes den problema, door cu nan tin e union, e alianza cu otro e ora ta representa e presidente di SPA eynan, ta traha como un team.
Mas aleu, Sr. Maduro a bisa cu nan tin diferente training pa nan mes, training pa yuda e coleganan, diferente cosnan cu mester cambia, tin hopi leynan y beleidnan hopi bieu, cu mester wordo gepolished y pa bin cu mas idea y plannan pa futuro.
Ora cu a sinta pensa, ta tur mester di otro. Un celebro por pensa, pero ora cu mas celebro bin hunto, por haya mas idea y nan por sigui trece ideanan moderno y tambe un yuda otro. Por ehempel, si Corsou tin un problema cu e mester prepara su mes pa presenta den Corte, siguramente di Aruba y e otro nan ta dun’e e back up pa brainstorm y sigui bay cu e lucha.
Pa loke ta sindicato di Hulanda, prome nan a bay Corsou pa presenta nan idea, pa cual el a cay den bon tera y tambe Hulanda mes tabata interesa pa papia cu SPA y Sr. Maduro a haya invitacion pa bay Hulanda, pa papia ariba diferente aspectonan, segun Sr. Edgar Maduro, di SPA a bisa.
Lo pone nan problemanan ariba papel y sinta delibera ariba dje. Lo traha un solo richtlijn, pa trece esaki dilanti na gobierno, di kico ta nan preocupacion grandi cu nan tin. Pa loke ta e comunicacion, si no tin esaki, mester drecha esaki y tambe e imagen di Cuerpo Policial.
Nunca nada ta imposibel, tur cos ta posibel. Pero mester di leynan y placa, of decisionnan pa gobierno tuma. E mas importante, bo mester sinta cu gobierno y splicanan kico ta e problematica cu tin, pa nan resolve. Tin hopi problema, pa cual mester di placa. Decisionnan mester wordo tuma, eynan nan kier yega. Dimes ley mester wordo cambia, y esaki ta loke mester bay traha ariba dje, segun Sr. Edgar Maduro, di sindicato SPA.