Edgar Maduro a keda elegi awo como presidente di sindicato di polis. E ta splica e retonan cu e lo bay tin e biaha aki.
E eleccion a tuma luga diabierna dos siman pasa y dialuna ultimo nan a sinta oficialmente. Awo nan tin diferente tarea pa haci. Maduro ta gradici e miembronan cu a vota, pa nan confianza den su persona.
Como presidente nobo, e retonan cu e tin su dilanti ta diferente. Mester studia cada un di e casonan y pa nan por negosha cu e minister y Gobierno aki.
Awor aki nan mester purba yega na un solucion pa e diferente casonan cu a keda pendiente. Tur departamento tin nan problema, pero nan a basa riba e cuido di polis, diferente cosnan cu ta toca na e sindicato.
Criminalidad a subi basta, segun Maduro. Apesar di esaki, criminalidad banda di hotelnan a baha basta. Polis ta trahando duro riba esaki, segun Maduro, pa e siguridad den e area aki. SPA ta haciendo su best y pone input pa sigui mantene e trankilidad y tambe mester di mas polis.
Como directiva nobo, nan ta bay traha riba dje. Nan tin cu sinta y traha un bon plan hunto cu e leiding pa alivia e polisnan cu ta trahando hopi overtime na e momentonan aki.
Tin un preocupacion bay di e miembronan. Edgar Maduro como presidente nobo di SPA, sa cu a perde confianza den SPA. Awor ta bay cuminsa cu un campaña cu nan ta bay bishita e agentenan. Sa di e problemanan aki pasobra e tin 20 aña den Cuerpo. Mester uni y pa sigui padilanti, segun Maduro.
E cos mas cardinal cu tin cu drecha den ‘cuerpo ta comunicacion en general. Una bes cu comunicacion ta bon, tur cos lo cana bon e ora.